عملكم هذا من أعظم الآعمال التى طالعناها لكم

محمد شحاتة

محمد شحاتة: عدد المساهمات : 107
نقاط : 103
السٌّمعَة : 0
تاريخ التسجيل : 08/01/2009
الموقع : مصر

مساهمة رقم 1

عملكم هذا من أعظم الآعمال التى طالعناها لكم

مُساهمة من طرف محمد شحاتة 16th يونيو 2009, 12:01 am

عملكم هذا من أعظم الآعمال التى طالعناها لكم

المهندس

محمد شحاته

محمد شحاتة

محمد شحاتة: عدد المساهمات : 107
نقاط : 103
السٌّمعَة : 0
تاريخ التسجيل : 08/01/2009
الموقع : مصر

مساهمة رقم 2

رد: عملكم هذا من أعظم الآعمال التى طالعناها لكم

مُساهمة من طرف محمد شحاتة 16th يونيو 2009, 12:03 am

زمـان .. ودلوقتـي

خروج الولد وموعد رجوعه البيت
زمان : كان ممنوع التأخير ولو إتأخر يبقى لسبب قهري مع إبداء الأسباب والإعتذار الفوري
دلوقتي : تلاقي الولد داخل الساعة 1 صباحًاً باباه يقوله كويس إنك متأخرتش النهاردة !! يرد الولد : تأخير إيه يا مان أنا طالع أغير هدومي ونازل تاني أنا وكام واحد من أصحابي عندنا ماتش كده على الماشي .. خش إنت نام ومتقلقش وأنا مش هتأخر .. الأب نام وصحي ونزل يصلي الفجر وهو راجع يلاقي إبنه عند بتاع الفول بياكل : إيه يابني إنت لسه مروحتش ؟ يرد الولد : أهلااااا بالكبير أوى معلهش بأه الماتش سخن أصله ولسه خلصان ولا إيه يا جماعة ؟ كله يهز راسه بالموافقة وبؤه مليان أكل يكمل الولد بعدين لقينا عصافير بطننا بتطير قلنا نسدها بأه
*******
البنت لما حد يسألها .. إنتى مخطوبة ؟
زمان : لسه ربنا مأذنش وعينها فى الأرض ووشها يحمر
دلوقتي : لأ ليه عندك عريس ؟ إيدي على كتفك .. ناس معندهاش نظر
*******
الولد داخل على باباه ياخد مصروف الأسبوع
زمان : ممكن يقول لمامته هى تقول لباباه إنه عايز المصروف لأنه محرج إنه يطلب كده من باباه وخايف منه
دلوقتى : إيه يا مان إحنا النهاردة كام فى الشهر ؟ إنت مش هتأبّجني ولا إيه حكايتك بالظبط ؟ يالا إختصر عشان معنديش وقت وصاحبي بيرنلي عشان أنزل .. إيه يا عم مش سامعني يعني ؟ عايز الفلووووس ... المونييييي
*******
دخول الأب البيت
زمان : يسمعوا بس صوت باباهم من بعيد كله يقوم مرعوب واللى فى إيده حاجة يسيبها ويستقبلوا باباهم على الباب ولو معاه حاجة يشيلوها عنه
دلوقتى : الولد قاعد قدام الكمبيوتر أو بيتفرج على ماتش كورة البنت بتتكلم فى التليفون .. مش فاضيين يعملوا إيه !!.. الأب على الباب بيخبط .. مع العلم إنَّ الأب ليه خبطة مميزة يعني عارفين إنه اللى على الباب .. الأب خبط مرة وإتنين ويرن الجرس .. فين وفين البنت أخدت بالها إنَّ فى حد بيخبط : إنت يابني متسيب اللي في إيدك ده وتروح تفتح لبابا يرد الأخ : نعم هآخد أوامر منك أظن ؟ ما تقومي إنتى ياختي بدل الرغي اللى مالوش لازمة ترد : نعم ؟على الأقل أنا باتكلم فى التليفون أقول إيه لصاحبتي يعني ؟ إنما إنت مبتعملش حاجة ماتقوم إنت ولا إنت لازم تمارس دور راجل البيت وخلاص ؟ .. يرد : ماتعدلي كلامك معايا أنا أخوكي والولد هنا وكلامي لازم يتسمع .. ترد على العموم بابا معاه مفتاح وتلاقيه شوية وهيفتح بيه ولا الحوجة ليك يا اخويا
*******
نزول المرأة للعمل
زمان : كانت المرأة بتسعى من أجل حريتها وإثبات ذاتها وكيانها ووجودها وكانت تتمنى النزول للعمل
دلوقتي : هوا قاسم أمين .. هو اللى بهدلنا .. هو اللى نزلنا الشغل وخلانا نتبهدل .. أنا إيه اللى يخليني أنزل وأتبهدل فى المواصلات كده ؟ مش لو كنا قاعدين فى بيوتنا كان يبقى اكرم لنا ؟
*******
ولد حب يتعرف على بنت
زمان : الولد لو راح يكلم بنت .. بعد ما تطلع عينه .. يحمر وشها .. ولو ردت عليه يبقى كلمة وخلاص وغالبًاً بتكون بتصده وبتمشي خايفة ليكون أخوها معدي ويشوفها ويزعقلها
دلوقتي : الولد راح يكلم بنت ردت عليه تقوله : لخّص عايز إيه من الآخر يعني ؟ يعدي عليها أخوها ومعاه صاحبته يعملها باي من بعيد وهى ترد عليه ويمشي .. يمكن إفتكر اللى واقف معاها ده عمود نور .. طبعًا الولد واقف مندهش المهم يجي يتكلم تاني ترد عليه تقوله على فكرة أنا مرتبطة وصاحبي .. يعني حتى مش خطيبها .. هيعدي عليا دلوقتي وعلى فكرة بيغير عليا موووت
*******
نزول الولد لشراء إحتياجات البيت
زمان : كانت البنت المفروض متنزلش كتير والولد فى غياب الأب راجل البيت يعني يشتري كل إحتياجات والدته دون تذمر
دلوقتي : الأم يطلع عينها من التحايل على الولد ينزل يجيب حاجة من البقال اللي جنبهم .. حتى يرد : ماتخلي فلانة تنزل ماهي قاعدة ما بتعملش حاجة .. الأم تقوله : يابني أختك المفروض ماتنزلش كتير ديه مهما كانت بنت والوقت متأخر .. يرد : بنت يعني إيه ؟ العو هياكلها مثلاً ؟ ولا الأشكيف مستنيها ؟ دي بنتك تخوف بلد .. تقول الأم : يابني إنت المفروض راجل البيت .. يرد : وإنتوا خليتوا فيها راجل مش طالبتم بالمساواة ؟ يالا إشربوا عشان تبقوا تقولوا الراجل زى الست .. هى فى حاجات وحاجات لأ يعني ؟ حاجة غريبة أوي
*******